Zomi pau lam a ang sung met na ding a sem mi mal, pawl pi cih te Zomi' gal
a hi hi. Zomi minam na sep na leh biak na ki gawm thei lo hi a ci mi te zong Zomi'
gal hi.
Minam, gam leh biak na ki naak sai lua ki sa in Kawl kum pi bang in Kawl
gam pen Buddhist gam hi ngiat ding, Kawl gam a om mi te Kawl pau bek pau ding cih
zah dong in ma la uh hi.
Zomi ki pawl khawm a na sep khawm ding a ut lo mi te a vek pi in Zomi' gal
ahi uh hi. Na minam' gal na suah loh ding thu pi sak in. Minam' gal pen Pasian' gal
mah hi.
*Am Thang *
*Once upon a time in Green Hills*
Dear Am Thang
Na thugen thu pi mahmah ei. Biakna pen vantung lametna tawh upna tuam ciat a
kinei a hih man in, pawlpi khat suah khop ding ngaihsutna pen toi lua zen
hi. Leitung a dingin Jesu mualtung thuhilhna ah "Lunsim niamkhiatte in
thupha angah dinguh hi, bang hang hiam na cih uh leh leitung a luah ding uh
hi" ci hi. Zomite sungah Jesu lampai na ding lampi tang nai lo a hih man in
i hi cih lai phot kul ding hi. Johan in Jesu paina ding lampi a bawlna ah:
"Mualsangte kito tam ding a, guamthuktte kivuk in, lmakawite kitangsak ding
hi A hampite kinel sak ding hi" na ci hi. Tua a hih manin Zomite sungah a
kiliansak teng kiniam khiat a, a kiniamkhiatte zong kei zong mikhat mah hing
hong cih ban uah, a kawi kiukeu teng tang phei mang hen la, a ham teng hong
nel leh bel Jesu hong zual in kipum khatna om thei ding hi. Tua banah biakna
hangin kipum khat ding lamet ding hiloin, i minma hihna bek tawh kipum
khatna piagn zo ding hi. Tua ahih man in, khatleh nih i tutkhop ciangin
biakna leh upna peuh kikum in holim lo zaw in, i minam vai kilim kup zawk
hun hita hi ci-in ka ngaihsutna kong ko hi. nang e leh?
Sia Khen
Kawlpi
No comments:
Post a Comment