Zolai Zolai Zolai Mah Mah
Posted by: "Sakollam Veng" mangtaung@yahoo.com mangtaung
Wed Feb 11, 2009 11:18 pm (PST)
Pawl khatin Zolai pen Cope topa hong bawlsak teng kicing mahmah khin hi ci hi. Cope topa a dam sung in zong alai gelh te kibang kimlo in puahtoto hi cih a kigelhna sim kha ngei ingh. Cope topa'n tuni dong hong dampih-lai hi leh tulaitak-a kicing ih cihte amah'n kicing mah hong cih pih mawk tam ci ingh.
Kawllai, tuma kum 60 hun pawl a kigelh te le tulai tak a kizangh te simkak leng zong na kibang lian hetlo in na kipuahtoto hi. Manglai zong tua bang mah hi, Anglo Saxon hun khawnga manglai te, lasam (poem) te sim kik leng, America gam kiphuh cillai a, thukhunpi-te en leng e leh, tua te zong tu hun-a te tawh kibang nawn lo in kipuah toto hi. Ko ka pu kapate un akicing in na bawl khin uh, ka lai  uh kicing khin puahpuah ngai kei na ci sam lo uh hi. Tua leh Zomi te'n kicing mah Cope topa hong bawlsak teng kicing lua ih cici lai diam?
Mikang nupi khat tawh khat vei ka kiho ngei a, mangkam siam hong sa hetlo hiding hiven," lungkia ken manglai/kam pen a hamsa mah hi, lai mal pawl khat bang a sim dingdan hong kihilh lo hileh ko zong adik in,lo lian thei tuanlo hi ungh" hong ci in tha hong ngahsak tuam hi. A cihnopna ah, a awsuah bangin kigelh lo a, a kigelh pen koi ci aw suak ding cih kan masa uh hi.  (Military Junta, San Jose adt.. cih kammal bang en pak leng zong asim danding hong kigenlo hileh kisim khialtaktak ding hi.  A awsuah bangin kisim lo a, alaimal in awsuah tuam nei sak ziau lel mawk uh hi.)
Cih nopna ah tumasiah Zolai pen aw suah dungzui in kigelh hi ih ci a, ih aw suah bang bangin gelh peuh leng ih ci mai hi. Laigual kiim-le-paam tawh a khiatna kitel veve hi ci in, gentehna pawlkhat bang tawh ih lak keei hi. Tua bang tawh Zokam a siam lo te' sin theih, tel theih,tel baih dingin Zolai ih puah sawm meel kei hi. Tan sawm kasin hun in kawllai sim thei in, zongh a khiatna ka thei lel a, kawllai tawh lai kigelhte sim in zong ka tel lel hi. Ahi zong tan sawm ka zawh khit ciang Zangkong kazin suk leh ka kawlpau kawlte'n tel nai peuh mah lo in, amau pau zong ken ka telzo nai kei hi. Apau katheih, katel ma in a lai sim in katel hi. Zolai eleh minam dang te,zopau apau theih ma un zolai sim in a tel zo uh diam? Tel zo hetlo ding uh hi.. tua leh bang cih mawk ding?
Tu ni dong ih zatsa Zolai pen zokam pau theisate bek in a nung amaa en in telzo pan bek ahih leh puah ding kisam cihna hipah hi. Koi ci puah ding?
Zolai mal tampi ih bellap kul dinga, zolai mal khatin khiatna tampi nei lo in, mal khatin khiatna khat, ahi zo kei zongin a tawm thei pen dingin ih tuam neihsak kul ding hi.
Gentehna khat:
1. sia => Ki siasak ken.
2. sia => Ki siasak ken.Â
3. sia => Cil siasak ken.
Hih a tunga 1 pan 3 teng bang en pak leng siasak  cih kammal a vek in a gelhdan ding akibang hi a, sia sak cih bang in mal khat le malkhat kihal in gelh loh ding vive hi.  A 3na en leng a cih nop kithei thei hi. Ahi zongin a 1na le 2na pen ah akhiatna ki khia khial ding hi.Â
Ki thutheisak/kipilsak kei-in, a cinuam zong hithei a,
Ki pelhsak/kibuaisak kei-in acih nopna zong hi thei mawk hi.Â
Hi munah:
1. Ki syasak ken.Â
2. Ki siasak ken.
ci in, gelh in zangh tek lehangh, telkhialh tawm in zolai mal ih hau semsem ding hi.Â
A sawtlo in Zolai tawh Upadi/Law khawng hong kigelh pelmawh hun hong tung taktak dinga, tua hun ciangin Zolai mal khat tawh sihna le nuntakna lampi ah thukhenmang te'n thu hong khen hun hong om ding hi cih, ka lungsim mitkha in kamu khol hi. Thukham/khun bawl te bang hoh tua kammal zangh zaw ni, tua in buibun zaw ci in, a kikup a kinial keei ding hun hong tung ding hi. Tua hun ciangin zolai mal awsuah dung zui mawkmawk tawh kisim, ki gelhlo in khiatna neitak in ki gelh ta ding hi.Â
Ps. Pawl khat te'n a tunga kigelh 1na le 2na te, a kiim a pam ah laigual (sentence) dang omlai peuh leh kithei veve incia aci nuam zong om kha ding hi. Ahi zongin, laigual (sentence) khat ih cih pen akicing khiatna anei ahih ding ( to make a complete sense), laigual dang om ta keileh akhiatna akitel ahih dinglam  ih ngaihsut ding kisam hi.Â
Lamthang
No comments:
Post a Comment