Posted by: "Zomi Zokhai" zomizokhai@rocketmail.com
ciimnuaizogam
Thu Feb 12, 2009 4:04 pm (PST)
Paikhiatna 25:4 (Bible Society's Chain Reference Bilbe)
".. fine linen; blue, purple, and red wool,....
(King James Version) ".... blue, and purple, and scarlet, and fine linen,....."
(New Living Translation) ".....blue, purple, and scarlet yarn; fine linen....."
Siampilaaibu 13:30 (BSCRB) yellowish and thin
(KJV) a yello thin hair
(NLT) fine yellow hair
Akiletkhia masa Zomite' Laai Siangtho-pen thupi mahmah-a, antang mahmah hihang. Tuatawh kizuui-in puahding kilawmte puah-in zuunding kilawmte I-zuuntheih masiah minam kician ahihkeileh minam khangto suakzoloding hihang (Kei mimal' veina-hi).
Lahpakding 01:
Glory ~ Vaangliatna
Power ~ Vaangliatna
Mighty ~ Vaangliatna
Hihbangte khialhna taktak omsaamlo napi hong kilawm saamlo-a, khangthakte- in "kammal" khencian sinsen-a aciin theihnading naakpi zuunsiamding kisamhi. Tua ahihman-in Glory ~ Vaangliatna ahihkeileh Vaangphapi, Glorious ~ Avaanglian, Power ~ Thahaatna, Authority ~ Thuneihna, Authorities ~ Thuneite, Mighty (adj) Athahaat, Ahaatpha, Strength ~ Thatang, Tha, Strong (adj) Haat, thahaat, cbt
Lahpakding 02:
Almighty God ~ Saangpen Pasian
Sovereign LORD ~ Saangpen Pasian
LORD Almighty ~ Saangpen Pasian
Hihtebang "Pasian" I-it tazong-in kamlet I-hihleh Zomite-in kammal cingtaktak nei I-hihman-in ahilianlianmah zontaak sa-ing. Alianphabel Pasian, Asaangpen TOPA, TOPA Alianphabel, cihdaan beek-in khangthakte' n ciing theile'ng..
Lahpakding 03:
Temptation ~ Ze-etna
Test ~ Ze-etna
Trial ~ Ze-etna,,,,
Hihtezong khangthakta' ding-in kilawmkhin khollo ding-a, akammal kinaaipen kanlehang khanlam manawhding lametna omhi; Kheemzolna ~ Temptation, Test ~ Ze-etna, Trial ~ Thubawlna (gtn: thu hongbawlding kaimaw, nongtuacihleh, cbt) * Ze-et cihpen azia en cihna hi-a, temptation tawh kidanghi.
Lpd 04:
Mercy ~ Hehpihna
Grace ~ Hehpihna
Hihte-nihzong akhiatna kidang-a, alaaimalzong kidang ahihman-in; Hehpihna ~ Mercy, Hehpihna-dim, Hehpih ~ Merciful, Grace ~ Hoihnaphapi (mihingte' tung-a Pasian' hong deihsakna, hehpihna, laainatpihna, huhnopna, cbt ahihman-in Topa' Hoihnaphapi hi-a, Pasian' neihtuam hizawdiak-hi)
Lpd 05:
Hope ~ Lawpna
Gladness ~ Lawpna
Eagerness ~ Lawpna,,,
Hihtezong hong kilawm deudau saamlo-a, Lametna ~ Hope, Nuamna ~ Gladness, Lawpna ~ Eagerness, "Topa' hongpai kiikding lawptak-in (eagerly), cihdaan beek-in,
Lpd 06:
Reward ~ Thaman
Wage ~ Thaman
Hihte-nih leuleuzong akidang hi-a, Reward-pen mi-khat' sepna' hang-a pahtaakna' ziak-a aki-citpiak sil-khatpeuh hi-in sumtangzong hitangtang khollo, sumthalawh bang-a aki thalawhzong hilo ahihman-in "Pahtaaksilpiak" ahihi.
Lpd 07:
Tempt ~ Kheem
Deceive ~ Kheem,,, hihzong atung-a Lpd 03 -ah enlehang.
Lpd 08
Satan ~ Dawimaangpa
Devil ~ Dawimaangpa
Beelzebul ~ Dawimaangpa
demon ~ dawi
devil ~ dawi
god ~ dawi ,,.. Nialpah luatding omsaamkei, ahizong-in Zomite-inzong dawi namtampi lawhna I-neihlam kimangngilh khaleh;
Dawimaangpa ~ Satan, Dawigilopipa ~ Devil, Beelzebul ~ Dawikuungpu, demon ~ dawisia, devil ~ dawigilo, god ~ pasian, cbte zuunto lehang.
Lpd 09:
Righteous ~ Thumaan
True ~ Thumaan
Right ~ Thumaan
Truth ~ Thumaan
False ~ Maanlo
Good ~ Hoih
Bad ~ Hoihlo
Zomite-in kammal kicing aneilo-tawh kibang mataw: Thumaanthutak ~ Truth, Thumaan ~ Righteous, Maan ~ True, Maanlo ~ Untrue, Khial ~ False, Hoih ~ Good, Sia ~ Bad, Hoihlo ~ Not Good, Thumaan ~ Right (adjective ~ sillaak), Hihtheihna ~ Rights (neektheihna, gelhtheihna, --- theihna;;;) Laai Siangtho sung-a Right pen Dik azatna tampi om-a, Manipur Zomis-in maanhi, ahizong-in ataangpi-in Dik ~ Kind hizaw-a, Nunneem ~ Gentle hizawhi.
Lpd 10:
Suffering ~ Gimna
Trouble ~ Gimna,,. cihbangtezong Trouble-ah Haksatna ~ Difficulty I-zatnop keileh Buaina beek cilehang mataw.
Lpd 11:
Resurrection ~ Thawhkiikna
Coming to Life ~ Thawhkiikna
Raising from Death ~ Thawhkiikna
Kilawmkei mataw: Hinkiikna ~ Coming to life, Sihna-pa Thawhna/Photna ~ Raising from Death cihbang-in,
Lpd 12:
Land ~ Gam
Country ~ Gam
Kingdom ~ Gam
Territory ~ Gam
Region ~ Gam
Zomi paukam akicinglo mahmah bangdiudeu mataw.
Lpd 13:
Prince ~ Kumpi
King ~ Kumpi,... Prince-pen King hilo. King-zong Prince hilo-hi, zongtawm dihni!
Lpd 14:
Sanctuary ~ Siangtho
Holy ~ Siangtho
Pure ~ Siangtho
Sacred ~ Siangtho
Clean ~ Siangtho
Unclean ~ Niin
"False" zatna te-ah "Maanlo" zangh bilbel-in "Unclean" bang-ah "Niin" cilehbung leuleu hihang. Puahni! Sianglo ~ Unclean. Nidanglaai-in kaunei-mi om-a, akigen ciang-in "Tua mite asianglo hiveh-aw" kici-in aniin kici lo-hi. Niin ~ Dirty
Lpd 15:
Treasure ~ Sum
Riches ~ Sum
Money ~ Sum
Silver ~ Sum,,, Kilawm deudau saamkei mataw, Ei' n I-zuunding hilohiam!
Hihtengtawh Tedim ahihkeileh Zomi Laai Siangtho omzia kong suutpihpak hi-a, hong guuicing deudau-khin ahihman-in avekkhawzaang- a Laai Siangtho-in cihi cihpahpah saamlohnading deihna ahihi."meel" tawhkisai genkiikpakni!
Purple ~ Dupsan cilehang Crimson ciang-in bangciding,
Scarlet ~ Ausan cilehang Pink ciang-in bangciding, Kawlte' cihdaan-in paakmeel cihngiau dinglah paak namtam peuhmah-a.., ,,,
Tuahi-in Zomi I-itna thupi-a, Zomi Laailam I-awlmawhna thupi mahmahhi.
White ~ Kaang, Ngo (Manipur Zomis), Paak
Red ~ San
Black ~ Vom, Dum (Manipur Zomis)
Green ~ Eng, Hing (Manipur Zomis)
Purple ~ Naaidup
Yellow ~ Naai, Naaipaak
Blue ~ Dum, Vaandup (Tuipi dum dimdem cihpen Blue agengen ahihi, tuabaan-ah ka-neu laai-in "dumde" I-cih firefly ka-man theizeel-a, "Banghang-in "dumde" kici-hiam?" ci-in ka-veel theizeel-hi. Tu'n theita-ing. Ataang kiaukiau man-inla encian lecin Blue color nei ciitciat se-hi. Cimphawng)
Crimson ~ Sandup, Dupsan
Scarlet ~ Ciipsan, Sanciik (Kawlte'n "Kapidaa, eh, Kadipaa Yaung" acihte)
Pink ~ Ausan, San-ang, Ang
Brown ~ Mual
Grey ~ Puang
Orange ~ Naaisan, Naaiciik (Naaidaang acizong omhi)
Kikum laailaai ni-ei, guai! Zokhai
************ ********* ********* ********* ********* ********* ********* ********* ********* **
Zokhai
60 Narr-Maen Drive
Croydon Hills VIC 3136
Melbourne, AU
Tel: +61 39723 0460
Mob: +61 420 800 460
No comments:
Post a Comment