Galkap tum masa: Murlen

Posted by: "Gin Khan Nang" nanggk@yahoo.com nanggk
Sun Feb 15, 2009 2:58 pm (PST)

Lawmte aw,
A thei nuamte adingin hih ka muhna hong lak ing. Bu Pau Za Gin in a genna panin Piancit paite hong tunkik khit ciangin 1921 kumin Chin Rifles kiphuan a, Tedim, Falam, Haka sung pan company khat ciat kilut pah hi. Kanpetlet mite tawh a vekin 470 pha a, Mymyo-ah kipai hi ci hi. Tua laia Tedim mi galkap sung makaite Piancit paisa mi 4 leh a pai lo mi nih min hih a nuai a bangin gelh hi.

1. U Thawng Za Kai (Piancit)
2. U Tun Khaw Lian (Piancit)
3. U Kim Vung (Piancit)
4. U Pau Za Gin (Piancit)
5. U Kham Khual
6. U Gin Lam

Rangoon University Chin Magazine 1971-1972 laimai 5 sungah kimu hi. Hih te pen galkap lut masate mah hi pah ding hi.

Khangnote adingin gen cian kul hi mah ven maw. Piancit cih pen France gam genna hi a, WWI hun lai-in Zogam panin mi tul khat labor nasem dingin kila a, tuate Piancit pai kici hi. 1917 in pai uh a, 1918 in hong tung kik uh hi. Hih list a (Piancit) ka cih pen Piancit pai galkap lutsuak te ciamtehna hi a, a kiciamteh lote Piancit pai lote cihna hi. Piancit paite pen nasep gina sa uh ahih amanin Mikang kumpi in Chin Rifles hong phuan uh hi.

GK