Zogam ah Pasian' Gam Pian Zia: Murlen

Zogam ah Pasian' Gam Pian Zia (The Kingdom of God in Zogam)
Posted by: "suang dal" suangdal@yahoo.com suangdal
Thu Feb 19, 2009 10:29 pm (PST)

Zogam ah Pasian' Gam Pian Zia

Thumasa
Pasian' gam ih cih pen LST sungah ankam tang tawh na genteh hi. A a toi pen a neu pen a niam pen dinmun pan'n ki panin a zaai pen a lian pen a saang pen dinmun tungh cih a gen nuam ahi hi (Mtt 13: 31). A masa penin Pasian gam ih cih pen Eden huan sungah ong ki mu kiiukeeu thei hi. A nihna ah Pasian' gam pen galdo minam Israel te' sungah ong ki mu thei leuleu hi. A thumna ah Pasian gam pen a kamciamsa a taangtunna in leitung ah ong tungta hi. Tua hi-a, Aden le Israel pen ong tung ding Pasian' kumpi gam ii a liim a la khol a na hi uh hi. Tua Pasian' kumpi gam (the kingdom of God) pen theologians te kam pau-in gen rehang the "already" and "not-yet" kici aa tua pen Zopau in let rehang tung-khin-nailo- deuh cih ding hi...Banghang hiam cih leh, ong tung ding hun pen ong tung khin gige ahih man hi. Ong tung ding kum pen ong tung khin gige a hihna Jesuh Khazih in Singlamteh tungah ong lak khin hi. Tua ong tung ding hun (Pasian' kumpi gam) ong tung khin khikhe
ahih mah bangin taang le tahum zong po khawm khikhe pah hi. Tu-in ong tung ding hun (the age to come) pen tu hun (this age) tawh ki gawm khawmin a papai ta hi-a bei hun ding (the consummation) a manawh ta ahi hi. Hih a nunung Pasian' Gam Pian Zia pen Kha thu tawh kisai hi pha diak hi. The last form of the kingdom of God is Spiritual. Tua ahih manin ong tung ding hun ong puakhia khin ahi, Jesuh Khazih min tawh tua Pasian' gam a zong mi-in deidanna le ciangtanna om lo-in bang hun bang mun cih om lo tu mahmah in zong leh mu thei ta hi.The kingdom of God is no longer defined by geographical location.

1. Eden huan aa kumpi gam

Hi kumpi gam sung aa ki piansak nuntaakna nei khempeuh siangtho in gen baang nai lo hi. Nasep pen Adam aa dingin a nuam mahmah (pleasure) khat hi-a, ngeina (culture) tua hun aa mihing' khuasak zia pen Pasian piak letsong hoih mahmah ahi hi. Ngeina masa pen thupha ahi hi. Ahi zongin Adam le Eve hong puk khit uh teh tua ngeina pen ngeina masa tawh ong ki bang nawn lo hi. Tua ngeina nihna pen thumang-loh ngeina ahih manin hamsiatna tawh ki hel ngeina hong suak ta hi. Ngeina masa pen thupha hi-a, ngeina nihna peen hamsiat thuak ngeina hi ta hi.What has become nature is not of the native. A ngei bang nawn lo ngeina ngeina lo. Ngeinna nihna ii gah ahi, natna satna zawnna cihte pen mihing in Pasian' thu a mangh loh man-a ong piang ahi hi. Natna satna sihna cih te pen ngeina masa hi lo hi. Nat ding sat ding sih ding pen a ngeina hi lo hi. Piansak na te a ngei a bat lai teng mihing te ki dah in ki kap ngei lo hi. Mihing te ih nat ih sat ih sih ciangh banghang dah
in kap ih hiam? Bangmah dang hang hi lo hi. Natna le sihna ih cih te pen a ngeina ahih lo man-a dah in a kap ih hi hi. Leitung bup ii ih piahtanaa (problem) pen a ngeina hi lo hi. A hi zongin naa khempeuh a ngeina bangdan hong suakta aa tua pen a kisiacip, a lampial ngeina (the curruption of nature) hangh ahi hi. According to Genesis study, the first nature/ the first culture is holy. But after the fall, nature would now work in opposition to its human caretaker. Adam le Eve hong puk khit uh teh ngeina le khuasak zia khua hun hong ki lamdang hi. Tu in a ngei bang nawn lo ngeina in amah a kemcing mihing langpang in na sem ta hi. Adam le Eve thumanlohna hangin, hih Eden huan-a ngeina (culture) pen ngeina masa hi a siangtho Pasian' gam tawh hong ki zom nawn lo hi. Hih ngeina nihna a ngei bang nawn lo ngeina pen siatna le patauh diipkuat sihna tawh hong ki hel zauta hi. This ages of culture are mingled with evil and disaster. A hi zongin hih piahtanaa
(problem) susia a saatkham dingin Pasian in thuciam (promise) ong pia pah veve ahih manin ih guak suak tuak kei ding hi (Genesis 3: 15).

2. Israel te' Sung aa a Tuam om Pasian' Kumpi Gam
Tu in hih Eden huan pan'a ki khin khia ngeina masa Pasian' kumpi gam pen ngeina nihna tawh ki galsai in om ta hi. Ngeina nihna ii suan ahi Cain ii khuapi pen the city of Cain kici hi.
A hi zongin Pasian in a masa ngeina a ma kumpi gam pen Seth innkuan pan-a hong piang suk ahi Isreal sungah koih kik hi. Tua pen the City of Seth kici thei hi. Hi nih te gel hong ki mai ngat ta uh hi. Seth hun aa ki pan in mihing in Pasian min lo kik in ama gam le a dikna zong kik hi. A hi zongin Cain ii suan le khak te pen leitung ci le sa tawh kidiahna ngeina tuamtuam hong phuang khia toto te ahi uh hi. Tua ahih manin hih leitung pen a sia le a pha tawh hong ki dim khawm hi. Ahi zongin hih a ki mai ngat ci diam a ki elpuak ci diam khuapi nihte in ki batna khat nei uh aa tua pen luahsuk mawhna (sinful nature) ahi hi. Cain innkuan le Seth innkuan in hih a ki peng thei lo luahsuk mawhna (sinful nature) hong neih tuak uh mah bangin tu ni-in Christian te le non-christian te zong a ki bangin mawh nei mi te ih hi ciat hi. Mihing pian zia pen Pasian' thu manglo in nial cih hi den hi. Jesuh ong pai na ngawn ciangh a mi te'n nial lai hi. Ngeina nihna sungah
om ih hihna ki lang mahmah maw.
Seth suan le khak (Christian) te pen culture sungah ih ki hel hi. Ih ki pel thei kei hi. Ahih hangin tua culture ii neihsa ih hi kei aa, Pasian kumpi gam ii neihsa te ih hih zawkna theih huai hi. Hih Isreal te sung aa a tuam om Pasian' kumpi gam sung aa om mite pian zia pen mi nam vai le naingaanzi (politic) vaai peuh hi lai mawk hi. Ei Zomi te in ngeina nihna sangin ngeina khatna tawh ki zom naa te thupi sak zaw rehang thupha ih ngah zaw ding hi. Banghang hiam cih leh thuciam thak sungah Pasian' kumpi gam pen minam khat ih hihna tawh ong Zogam bek ah ong tung ding hi zen zel lo-in, thu-um mi ih hihna tawh hong tung ding hi zaw hi. In the new covenant, God is never "on our side" as a nation, but only as believers.

3. Pasian' Kupi Gam hi Leitung ah
Hih a nunung Pasian' kumpi gam sungah Khuapi nih te ki galsai in om tuak uh hi. Cain khuapi le Seth khuapi...Thu- um lo mite' khuapi le thu-um mite' khuapi cih bangdaan...Ngen sungah ngasa hoih le ngasa hoih lo ki khuh khawm phot...Hi leitung Pasian kumpi gam sungah taang le tahum po khawm lai. Jesuh in hih leitung pen kei maa kumpi gam hi nai lo hi ci deuh hi. A hih hangin hih leitung pen Pasian gam ii zialtum ding aa a focus pi khat ahi hi ci hi. Tua ahih manin Jesuh in Pasian' Kha Siangtho vangliatna tawh hi dawi te hawl khia ka hi leh, Pasian' gam note lakah ong ki pan ta cihna hi ci hi (Mtt. 12: 28). Eden huan ah Adam le Eve te puan a guan Pasian in hih a nunung Pasian' kumpi gam sung aa thu-um mite zong Khazih ii thumaanna le cihtaakna puan tawh hong tun hi bek hi hangh. Tua ahih manin hih leitung ngeina tawh a mah le amah thumaanna le cihtaakna ngeina te puan bang in silh in a ki sa tawm mi-in hih a nunung Pasian Kumpi Gam sungah lut thei lo ding
hi. Leitung ngeina te in Pasian kumpi gam sungah hong lut pih lo ding hi. Beware of culture and tradition. We must respect our culture and tradition but don't be bounded so much by it.
Ankam tang pian zia tawh ong ki pan hih Pasian' kumpi gam pen khan lam a manawh tawntung kumpi gam ahi hi. A ma ii zia le tong pen Pawlpi le Pawlpi ii a Mission sepna tungtawn in ki mu thei hi. Pawlpi (the Church) pen Pasian' gam hi lo-in, Pasian' gam a ngah Pawlpi hi. The church is the recipient of the Kingdom of God. Tua ahih manin Pasian kumpi gam pen Eden huan pan hi lo, Israel minam te sung pan zong hi nawn lo hi. Pawlpi (the Church) tungtawn panin ki pan khia hi. Ngeina nihna tawh a ki pel thei lo mihing pianzia in ngeina nihna ii a gah zawnna sihna cih te ih khawl sak nop ih tawpsak nop hangin piang ngei lo ding hi. It is not our business to judge the world in such a manner. Rather it is to proclaim teh judgement of God and the salvation of God that the kingdom has inaugurated by the first coming of Jesus on the Cross.
Thu-um mi kim in Pasian kumpi gam pen a upna tawh sunsiah tun in tun phil phel ta hi. Each believer now packs the kingdom of God and is indwelled by the Holy Spirit.

Ngeina thupit sak luatna le mihing ki laitak den keei na pen ngeina nihna ii pia zia ahi hi.

A ngei bang nawn lo ngeina ngei na lo. Ngeina nihna zong ngeina lo...

Ih Zogam aa Pasian' Gam Pian Zia hih a tung aa ih gengen ngeina nihna (Zomi nam ni le Zo ngeina) ih cihcih te in a huzaap (influence) lua kha kei nam maw cih ngaihsun piakna hi.

Lungdam

Suang Dal
Zozaang
Tawmvei
Manila