Hpakant khua ah cialpi

Mi Mangthang tampi omna Hpakan ah Cialpi omding
Posted by: "Kam Za Mung" kzmung@yahoo.com kzmung
Wed Feb 4, 2009 1:33 am (PST)
Dear Pastor Khai leh Zomi it te.

Hpakant a teang Zomi te thu ka sim khak ciang kalung bang hong leng sak phial uh teh.

MUAS ah ka sang kah lai 1988-1994 sung Hpakant khua leh a kiim mawkhua teng ah Pasian thu lehla tawh ki sai laibu te zuakin natung mun mahmah ing.
89 kum Hpakant kei pai ciil lai hun in Zomi nasem kitam naihet lo hi.

Hpakant pai leng, koi ah zintung theiding ci kadot leh, Hopin ka inntek Kachin
nupa te'n Zomi minkhat ong pia, Pasian nasem hi ongci. Burmese Bible 20 khawng leh lai bu tuamtuam honkhat tawh "Khuikha" singnuai lam tawn ding kalawm Cin tawh pai.

Inndawgyi tuilii ngunkuang tawh nai 2 sung tuanzawkphet leh laibuteng luzang ah nam leh sengtawh pua pai to to. Zing sang pan nitak dong ka paina lam dung ah mi hong pai suk paito tat sat lo. A zan-masa Kuikha mual nuai ngiakphual ah ngiak. Zing khuavak teh mual ah kahto. Mualdawn "K I A" custom check point ah mikhempeuh sum ks. 300 leh antang hainih tek ki khia. Ko pen Pasianthu leh biakna lam tawh ki sai ID te nei ka hi uh tek a ngalkhat buk ah ong sam, tua san ah social service dan hi, an tang ip pi tawh ong pia kik, ka van ngik tawh puak zawk ngap lo in la lo.
A zan nih na nitum kuan ciang "Saitong" tung, papi khat in a inn kong ah ong daak, tuzan kong ngiak thei uh diam ka ci leh, ki ngiak thei ong ci.

Zing khua vak ciang Hpakant khua ah paito. Ka address ah katun tak teh Zomi hi lo.
Maw one, Liisuu mi AG Pastor khat na hi zaw. Ong welcome mahmah in nuam sa mama ka hi teh a 2 vei na, 3 vei na, ka pai dong a ma inn ah na tung zel ing
Nung lamlam ciang ka pai thei lai kaban zel teh ama om nawn lo, khua dang ah kituak ta ong ci.
Tua hun lai Hpakant veng khua teng leh suangtawh na mawsung teng ah mi tam zia pen ngam lak sing nuai i ci hang khua pi khat sung mi om zah mah om in um ing. Million 5 bang pha thei ding hi.
Sunday ni pasal na sem teng zii lei ding ong ciak uh pen, week days teng ah numei zii zuak khua suang ah tam mahmah ka sak pen, muhak mama lai zen hi.
Mi tuazak sung ah biak inn a tung pen 2% zong a hi zo tam.

Mite kampau ah sumthu a ngen uh ciang amal ngol thei mama. "Tingza" Tingtul" ci te ki za
mun mama. Mitam in siat na zong namkim hi. Numei khang no nasem sum zong ding pai, senpyi lo, damlo, inn ciak nading sum nei lo, a tawp na ah pumpi ki zuak. Pasal te zong #4 a khuu in diik, a tawp na ah sum kicing lo, thangui ah kisun.

Hpakant khua ah door to door laibu zuak,thungetsak, Pasianthu tawh kisai laihawm pia kasik lo na inn tam lo ding hi. Mihau Zukzawkong in ah zongh 2 vei va lut ngei ing. Security
nasia lua zen hi.
Pasian thei lo mi tam pi te zong mo hi. Tua te khua pi sung a inn alo, a nu apa, azi ata te tawh aom na ah Pasian thu i va ngen hang hong awlmawk het lo kha ding hi. A hi zong tua Hpakant ah alung len lai tak Pasian thu ong za kha leh Khasiangtho na ong sem thei zaw kha ding in um ing.
Tua teng ah Pasian thu vangen leng Topa Zeisu hong pai baih naang zong hi ding hi.




Pa, Kam Za Mung.
Maryland. USA