Kum 33 sung thonginnah: ZNC President' tapa....

Ahehhuai Mahmah Thukhat (33 Years Sentenced)
Posted by: "M L Thang" kaputhang@gmail.com
Tue Nov 18, 2008 7:27 pm (PST)
18, 11,2008 ni sun nai 1 kim in Insein court pan in ZNC
President Pu Chin Sian Thang tapa Pa Kam Lam Khup kum 33 sung thongkia
ding in South Dagon Court aa sem Daw Tay Tay in thukhen hi. Galkap langpang
cih thu leh thu nam-7tawh ong khiat sak hi, amah tawh akithuah khat ahi,
ZNC kawlpi Township EC Pu Suan Do Nang tapa Taang Kap Khan Khual zong kum 8
khia uh hi (Pu Suan Do Nang pen Pu Thaul Zen gallai in Halkha Palik len
simna hang in liamna ngah in tai zo nawnlo ahih man in matthuak hi. A kimat
phet mah in kumpi lam pan thukhen sat pah in thong sung ah kum-8 na kia in,
tua thong sung ah aki bawlsiatna hang tawh dam lo tek tek in, tu in hong
nusia khin ta hi.

2007 kum September buai sungin, sangnaupangte tawh kipawl
in , ei mualmi khangno te'n zong kawlmi khangnote tawh kikim in nainganzi
(politics) septheih nang ngaihsutna in EYNG ( Ethnic Youth Network Group)
cih min tawh Shan, Kachin, Mon, Rakhine (Arakan), Karen, Zomi khangno te'n
kipawlna nei hi. Tua EYNG ah Pa Kam Lam Khup s/o Pu Chin Sian Thang in
pawllutang (president) sem hi. Buai sungin EYNG mintawh nakpi takin kihelna
hang tawh 2007 kum October kha 28 ni sun nai 1:30 kiim in Zangkong khuasung
Kandawlay ah Pa Kam Lam Khup, Taang Kap Khan Khual leh Tin Htoo Aung
(Rakhine) te uital te'n man uh hi.

September'07 sung in 88 sangnaupangte tawh, Generation
Wave tawh, adang Lutol te tawh kipawl khawm in Ehtnic Youth Network Group
min tawh anih un aki man ahi hi. A mau nih leh alawm dang naseppihte thong
sung ah 2000 val om lai hi.

Hih thumanlopi aa thong kipum khiat ni ciaptehna kawm in
18, 11,2008 ni mah in Vaphual tanu pawl in Vaphual Journal volume- 4
hawmkhia uh aa, Zogam, kawlgam leh mun tuantuam ah (Zomi sung ah alung lutte
panpihna hang mah tawh) amawkna in hawmkhia uh hi. A hawm khia te tawh aki
zom nuam te vaphualjournal@ gmial.com ah ki zom thei ci in Journal sung ah
suaksak uh hi..

Zomite' tangthu ah gamvai tawh kum 33 thong kikhia kiza ngei nailo hi. Zomi
sung ah Minam leh Gam ading athuak te ading thungetna ah phawk ciat ni.

Thangboi
Zangkong