Ei lian ihgil avah hang agilkial tampi omhi.
Ei lian ong kibuanloh hang ih minambup buan tuak ihihi.
Eilian in van ihpuak khaak lohhang, ih minambup in ihpuak van gikhi.
Ei lian ih manthan nailohhang, ih minambup amangthangding aa bawltuak ihihi.Tua ahihman in keituah bek tuah, kei thuakbek thuak ci-in mawk otot keini.
Ih minamte mawhsak khakeini.
Laisiangtho nap ihkihtaak zah in, minam mawhsakna ihpau khaak kihta hileng, hici paulo ding hihang.
Lst nap ih lipkhap zah in, bangmah theilo ih mipihte mawhsak kampauna lipkhap thei hile'ng,Mimal ong kiciamsakna in lahtheihding document kaihkhopna hikhalel dinghi.
Leitungbup in ong hehpih laitak, ei leh ei hehpih huai kisalo, "Ko bangmah ci kei ung, bangmah ong kicihkei" ihcih lailai zong ong hehpih semsemna uh ahihi.
Hunkhat lai aa Tedim aa ong laang mahmah kammal khat kangaihsun kha hi.
"Ngaihsun theile'ng ana mahhi" cih ahihi.Ih ngaihsutna omsa te ngaihsun phakik dihni
Hangkhanlian
No comments:
Post a Comment